5 აგვისტოს, მარნეულის მუნიციპალიტეტის გამგებელმა მერაბ თოფჩიშვილმა, პირველმა მოადგილემ ზაურ ტაბატაძემ და თვითმმართველობის სხვა ხელმძღვანელმა პირებმა, მარნეულის მუნიციპალიტეტის  სოფელ კასუმლოში მიმდინარე ინფრასტრუქტურული  პროექტი  მოინახულა.

პროექტის ფარგლებში,  რეაბილიტაცია უტარდება  სოფელში მისასვლელ  2500 მეტრის სიგრძის   გზას. 
აღნიშნული პროექტი  რეგიონებში განსახორციელებელი  პროექტების ფონდიდან ფინანსდება, რომლის  ღირებულება შეადგენს 450 033  ლარს.  გზის სარეაბილიტაციო სამუშაოებს  შ.პ.ს „ქცია“ ასრულებს. 
გზის კეთილმოწყობის საუშაოები მიმდინარე წლის 7 სექტემებრამდე დასრულდება.