დღეს მარნეულის კულტურის სახლმა სამუსიკო სკოლის 55 წლის საიუბილეო საღამოს უმასპინძლა.
ღონისძიების ფარგლებში,  სამუსიკო სკოლის პედაგოგებმა და მოსწავლეებმა  დამსწრე საზოგადოების წინაშე შთამბეჭდავი მუსიკალური  ნაწარმოებები შეასრულეს.

საიუბილეო საღამოს მარნეულის მუნიციპალიტეტის თვითმმართველობის  ხელმძღვანელი პირები, კულტურულ–საგანმანათლებლო სფეროს წარმომადგენლები და სხვა მოწვეული სტუმრები ესწრებოდნენ.
ღონისძიების დასასრულს, სამუსიკო სკოლის დირექტორმა, ქალბატონმა, ირინა  სამხარაძემ მადლობა გადაუხადა მოწვეულ სტუმრებს, ასევე ღონისძიების თითოეულ მონაწილეს და  წარმატება უსურვა მომავალ საქმიანობაში.
სამუსიკო სკოლის საიუბილეო საღამო დასრულდა  კომპოზიტორ გია ყანჩელის ცნობილი  მუსიკით – კინოფილმიდან  „ცისფერი მთები ანუ დაუჯერებელი ამბავი“.