მარნეულის მუნიციპალიტეტის გამგებელმა მერაბ თოფჩიშვილმა სოფელ გაჯისაკენდში, მდინარე ალგეთთან,  საავტომობილო გზასთან მდებარე ფერდობის სტაბილიზაციის სამუშაოები დაათვალიერა.

ვინაიდან წლების განმავლობაში მდინარე ალგეთის  ადიდება იწვევდა გვერდით ეროზიებს, საფრთხის წინაშე დადგა სოფლის ცენტრალური გზის ჩამოშლაც.
აღნიშნული პრობლემის სიმწვავიდან გამომდინარე, ადგილობრივმა ხელისუფლებამ მიიღო გადაწყვეტილება აღნიშნული პრობლემის მყისიერად გადაწყვეტის, რისთვისაც,  მიმდინარე წელს ადგილობრივი ბიუჯეტიდან გამოყოფილი იქნა თანხა 59 997 ლარის ოდენობით.
აღსანიშნავია, რომ მდინარის ნაპირსამაგრ სამუშაოებისადმი დიდ დაინტერესებას იჩენენ ადგილობრივი მოსახლეობა, რომლებიც  გარკვეულ მონაწილეობას იღებენ სამუშაოების პროცესში.
პროექტის ფარგლებში მიმდინარეობს 73 მეტრი ქვის  გაბიონის მშენებლობა, რომლის სამუშაოებს შპს „თეგი“ ასრულებს.
ფერდობის სტაბილიზაციის სამუშაოები მიმდინარე თვის ბოლოს დასრულდება.