21 აპრილს, ქალაქ მარნეულის  კულტურის ცენტრში გაიმართა „მხიარულთა და საზრიანთა კლუბი“–ს ფესტივალი, რომელშიც  მონაწილეობდნენ მარნეულის მუნიციპალიტეტის სოფელ მარადისის,  თამარისის,  წერეთლის,  საიმერლოს, ქალაქ მარნეულის #2 სკოლის,  #5 სკოლის და #6 საჯარო სკოლის გუნდები.

ღონისძიების ჟიურის ერთ–ერთ წევრად მოწვეული იყო  „მან–სან–კანის“ ფედერაციის წარმომადგენელი ნიკოლოზ მახვილაძე.
მან–სან–კანის ფესტივალს მარნეულის მუნიციპალიტეტის გამგებელი მერაბ თოფჩიშვილი ადგილობრივი ხელისუფლების წარმომადგენლებთან ერთად ესწრებოდა.
მხიარულთა და საზრიანთა კლუბის ღონისძიებაში  თამარისის საჯარო სკოლის გუნდმა  გაიმარჯვა, რომელსაც გადაეცა გარდამავალი თასი.
აღსანიშნავია, რომ სამომავლოდ, წარმოდგენილი გუნდებიდან იგეგმება მარნეულის „მან-სან-კანის“ ნაკრების შექმნა, რომელიც შემოდგომაზე იასპარეზებს „მხიარულთა და საზრიანთა კლუბის“ საქართველოს ჩემპიონატზე.