დღეს მარნეულის მუციპალიტეტის გამგეობის შენობაში ქალთა ოთახის ინიციატივით მცირე ბიზნესის განვითარების 2 დღიანი ტრეინინგი დაიწყო, რომელიც მიმდინარეობს პროგრამა „ჰორიზონტის გაფართოება: გაუმჯობესებული არჩევანი ქალთა და გოგონათა პროფესიული და ეკონომიკური გაძლიერებისთვის“ ფარგლებში.
ტრეინინგის მიზანია ქალბატონებისათვის ბიზნესის დაწყების ან არსებული ბიზნესების გაძლიერების უნარ-ჩვევების გაძლიერება მათი ეკონომიკური განვითარების მიზნით.
შეხვედრას ესწრებიან ადგილობრივი მოსახლეობის აქტიური ქალბატონები, პეადაგოგები სხვადასხვა სოფლებიდან, გამგეობის თანამშომლები, არასამთავრობო ორგანიზაციის წარმომადგენლები და მცირე მეწარმეები.
აღსანიშნავია, რომ მარნეულის მუნიციპალიტეტის გამგებელი მხარს უჭერს ქალთა ოთახის ინიციატივებს. მან მოინახულა ტრეინინგის მიმდინარეობა, გაესაუბრა ორგანიზატორებსა და დამსწრე საზოგადოებას. აღნიშნა, რომ მსგავსი ტიპის ტრეინინგები და შეხვედრები აუცილებელია მუციპალიტეტში მცხოვრები ქალბატონებისათვის, მათი ბიზნეს კუთხით განვითარებისათვის.
შეგახსენებთ, რომ პროგრამა „ჰორიზონტის გაფართოება გაუმჯობესებული არჩევანი ქალთა და გოგონათა პროფესიული და ეკონომიკური გაძლიერებისთვის“ ფარგლებში სამცხე- ჯავახეთსა და ქვემო ქართლის რეგიონებში იხსება ქალთა ოთახები, რომლებიც უზრუნველყოფენ სხვადასხვა ტრეინინგებსა და აქტივობების ორგანიზებას. პროგრამა დაფინანსებულია ამერიკის შეერთებული შტატების განვითარების სააგენტოს მიერ (USAID) და ხორციელდება კონფლიქტებისა და მოლაპარაკებების საერთაშორისო კვლევის ცენტრის (ICCN) მიერ, მერსი ქორფსთან (MercyCorps) პარტნიორობით. პროგრამა 2014 წლის აპრილიდან დაიწყო და ხორციელდება ქვემო ქართლსა და სამცხე-ჯავახეთის 13 მუნიციპალიტეტში, რომლის მთავარი მიმართულებაა ქალთა და გოგონათა პროფესიული და ეკონომიკური გაძლიერებისთვის ხელსაყრელი გარემოს შექმნა, დღესდღეობით არსებული ბარიერების გადალახვა, რათა მათ ჰქონდეთ გაუმჯობესებული არჩევანის გაკეთების შესაძლებლობა როგორც საგანმანათლებლო, ასევე პროფესიული და ეკონომიკური გაძლიერების კუთხით.