16 აპრილს 12:00 საათზე ქართული ენის კვირეულის ფარგლებში, ქალაქ მარნეულის კულტურის სახლში დედაენის დღისადმი მიძღვნილი ღონისძიება გაიმართება.
აღნიშნული ღონისძიება ჩაღლარის საგანმანათლებლო დაწესებულების, მარნეულის აღმაშენებლის სახელობის სკოლა–ლიცეუმის ინიციატივითა და მარნეულის მუნიციპალიტეტის თვითმმართველობის მხარდაჭერით ჩატარდება, რომელშიც მონაწილეობას მიიღებენ ამავე სკოლის მოსწავლეები.
დედაენის დღისადმი მიძღვნილი ღონისძიების საორგანიზაციო შეხვედრა დღეს მარნეულის მუნიციპალიტეტის გამგეობაში გაიმართა, რომელსაც გამგებელი მერაბ თოფჩიშვილი, მოადგილე ქამანდარ ისმაილოვი და ამავე სკოლის დირექტორი ისმაილ ოზქანი ესწრებოდნენ.
სამუშაო შეხვედრაზე სამომავლოდ ურათიერთთანამშრომლობის საკითხებზეც ისაუბრეს. გამგებელმა მერაბ თოფჩიშვილმა მზაობა გამოთქვა სასკოლო ინიციატივების მხარდასაჭერად.