დღეს მარნეულის მუნიციპალიტეტში გამგეობაში, გამგებელი მერაბ თოფჩიშვილი  შეხვდა პოლონური „ფონდი The Other Space Foundation” და ა(ა)იპ „ერთიანი კავკასიის“ წარმომადგენლებს, სადაც განიხილეს პროექტი  „თანამონაწილეობითი ბიუჯეტი“–ს  განხორციელების სამოქმედო გეგმა.

აღსანიშნავია, რომ მსოფლიოს სხვადასხვა ქვეყნებში აპრობირებული და პოპულარული პროექტი, ადგილობრივ თვითმმართველობას და პროექტის ორგანიზატორებს შორის გაფორმებული  მემორანდუმის საფუძველზე  უახლოეს მომავალში დაიწყება.
პროექტი თანამონაწილეობითი ბიუჯეტი – გულისხმობს  ადგილობრივი ბიუჯეტის  შემუშავებას და დამტკიცებას საზოგადოების მონაწილეობით, ფინანსური გეგმის ერთობლივ მართვას–მოქალაქეებისა და ადგილობრივი ხელისუფლების წარმომადგენლების მიერ.  
პროექტის წარმომადგენლების განმარტებით თანამონაწილეობითი ბიუჯეტი  უზრუნველყოფს  რეგიონის მოსახლეობის ჩართულობას ფინანსური გადაწყვეტილებების პრიორიტეტული საკითხების განხილვაში და  მიღებაში.
პოლონური „ფონდი The Other Space Foundation” და ა(ა)იპ „ერთიანი კავკასია“  აღნიშნული პროექტის ფარგლებში  გეგმავს უზრუნველყოს: პოლიტიკური ნეიტრალიტეტს; 2015 წლის საპილოტე პროგრამის  „საზოგადოების ბიუჯეტში თანამონაწილეობა“– პოლონელი სპეციალისტებით;  მუნიციპალიტეტის გუნდისთვის სემინარების ჩატარებას. რეგიონული სემინარის მომზადებას და განხორციელებას პოლონელი ექსპერტების და ადგილობრივი ხელისუფლების მონაწილეობით;  მარნეულის მუნიციპალიტეტის  ხელმძღვანელებთან და საკრებულოსთან თანამშრომლობით – 2016 წლის პროექტის დაგეგმვას.
როგორც გამგებელმა მერაბ თოფჩიშვილმა  სამუშაო შეხვედრაზე განაცხადა თვითმმართველობა მზადყოფნას გამოთქვამს მონაწილეობა მიიღოს ბიუჯეტის დაგეგმვის ნოვატორული პროგრამის განხორციელებაში.
პროექტი „თანამონაწილეობითი ბიუჯეტი“ დაფინანსებულია  პოლონური ფონდი „სხვა სივრცის“ მიერ.