დღეს, მარნეულის მუციპალიტეტის გამგეობის საკონფერენციო დარბაზში, 9 აპრილს დაღუპული გმირების ხსოვნისადმი მიძღვნილი საღამო გაიმართა, რომელშიც მონაწილეობდნენ სოფელ საბირქენდის, კასუმლოსა და ქესალოს საჯარო სკოლის მოსწავლეები. ღონისძიებას მოწვეული სტუმრის სტატუსით 9 აპრილის უსინათლო გმირი ლელა ვეფხვაძეც ესწრებოდა, რომელმაც კიდევ ერთხელ გაიხსენა ამ დღეს განვითარებული ტრაგიკული მოვლენები და დაღუპულ გმირებს საკუთარი სიმღერებით მიაგო პატივი.
ღონისძიებას ასევე შეუერთდა მარნეულის მუნიციპალიტეტის გამგებელი მერაბ თოფჩიშვილი, რომელმაც სიტყვით მიმართა სკოლის მოსწავლეებს და პედაგოგოებს, ისაუბრა 9 აპრილის მნიშვნელობაზე და დიდი მადლობა გადაუხადა სკოლის მოსწავლეებსა და პედაგოგოებს იმიასათვის, რომ არ ივიწყებენ საქართველოს მძიმე წარსულს და ყოველ წელს იხსენებენ 9 აპრილის დიად გმირებს.
აღსანიშნავია, რომ საღამოს ორგანიზებას ზემოთ აღნიშნული სოფლების ქართული ენის პედაგოგები უწევდნენ.