საქართველოს გაერთიანებული სამელიორაციო სისტემების კომპანიამ მარნეულის მუნიციპალიტეტში დებედას არხის სარწყავი სისტემის მაგისტრალური  არხის  I და სხვა რიგის გამანაწილებლების, შიდასამეურნეო ქსელის , მდინარე დებედაზე უკაშხლო გვერდითი წყალმიმღების სათავე ნაგებობის მოწყობის  სარებილიტაციო სამუშაოების განახორციელება დაასრულა, რომლითაც 1800 მოსახლე ისარგებლებს.

დებედას არხის სარწყავ სისტემაში წყლის გაშვებას  საქართველოს გაერთიანებული სამელიორაციო სისტემების კომპანიის ქვემო ქართლის რეგიონის დირექტორი ვახტანგ გარდაფხაძე, მარნეულის მუნიციპალიტეტის გამგებელი მერაბ თოფჩიშვილი, მარნეულის მუნიციპალიტეტის საკრებულოს თავჯდომარე ნაბი აბდულაევი და ადგილობრივი ფერმერები დაესწრნენ.
აღნიშნული პროექტის ფარგლებში მოეწყო ახალი წყალმიმღები ნაგებობა და  587 მ მომყვანი მილსადენი; გაიწმინდა დებედას, ყულარისა და კირიხლოს არხები და   ჩატარდა ჰიდროტექნიკური ნაგებობების რეაბილიტაცია;
გარდა ამისა, სარეაბილიტაციო სამუშაოების შედეგად დასრულდა  14 კმ მაგისტრალური არხის გაწმენდა და 875 ჰა სასოფლო სამეურნეო მიწის ფართობი მოხდა წყლით უზრუნველყოფილი. პროექტის ღირებულებაა 1 976 999 ლარი.
მარნეულის მუნიციპალიტეტში სამელიორაციო სამუშაოები 2014 წელს დაიწყო და 2015 წლის აპრილში დასრულდა.