6 აპრილს, სპორტის საერთაშორისო დღესთან დაკავშირებით მარნეულის მუნიციპალიტეტის თვითმმართველობის ინიციატივითა და მხარდაჭერით, ქალაქ მარნეულში, კულტურის სახლის მიმდებარე ტერიტორიაზე გაიმართა სპორტულ-გასართობი ღონისძიებები: მარათონი, ქართული ჭიდაობა, მკლავჭიდი, ბურთის აკენწვლა, გირების აზიდვა და სხვა. აღნიშნულ ღონისძიებაში მონაწილეობის მიღება შეეძლო ნებისმიერ მსურველს.
ქალაქში გამართულ სპორტულ ღონისძიებებს მარნეულის მუნიციპალიტეტის გამგებელი მერაბ თოფჩიშვილი ადგილობრივი ხელისუფლების წარმომადგენლებთან ერთად დაესწარო. მან მადლობა გადაუხადა მოზარდ–ახალგაზრდებს სპორტულ აქტივობებში მონაწილეობისთვის, ხოლო მარათონში გამოვლენილი გამარჯვებულები სამახსოვრო სიგელებით დააჯილოვა.
გამგებელმა მსგავსი ღონისძიებების მნიშვნელობაზე ისაუბრა და დასძინა, რომ შუწყობს სპორტისა და ჯანსაღი ცხოვრების წესის პოპულარიზაციას, გაზრდის საზოგადოების ჩართულობას სამოქალაქო თანაცხოვრებაში.
აღსანიშნავია, რომ გამარჯვებულები კახეთში საქველმოქმედო ღონისძიება „მსოფლიო რბენა“-ზე გაემგზავრებიან, რომელიც გაიმართება ამა წლის 3 მაისს ლოპოტაზე. მათ ტრანსპორტირებას უზრუნველყოფს მარნეულის მუნიციპალიტეტი.