2 აპრილს, მარნეულის მუნიციპალიტეტის გამგეობის სხდომათა დარბაზში მარნეულის მუნიციპალიტეტის გამგებელი მერაბ თოფჩიშვილი, თვითმმართველობის ხელმძღვანელ პირებთან ერთად  შ.პ.ს.  საქართველოს  გაერთიანებული  წყალმომარაგების კომპანიის წარმომადგენლებს შეხვდა, სადაც განიხილეს ურბანული მომსახურების გაუმჯობესების საინვესტიციო პროგრამა.
აღნიშნული პროგრამის ფარგლებში მუნიციპალიტეტში დაგეგმილია  წყალმომარაგების  სისტემის რეაბილიტაცია და გაფართოება.

პროგრამით   გათვალისწინებული  ახალი  წყალმომარაგების  სისტემის ძირითად კომპონენტს  წარმოადგენს:  ქსელის რეაბილიტაცია;  ქსელის გაფართოება; სამი რეზერვუარის   მშენებლობა  და ერთი ახალი სატუმბი სადგურის მშენებლობა. 
აღსანიშნავია, რომ სამუშაოების დასრულების შემდეგ ქალაქ მარნეულის მოსახლეობა მომარგდება უმაღლესი ხარისხის წყლით,  24 საათის განმავლობაში.
პროექტი დაფინანსებულია აზიის განვითარების ბანკის მიერ  და ხორციელდება შ.პ.ს. საქართველოს გაერთიანებული წყალმომარაგების კომპანიის  მიერ.
აღნიშნული მასშტაბური პროექტის განხორციელება დაიწყება 2015 წლის ბოლოდან   და დასრულდება ორ წელიწადში. მნიშვნელოვანი ფაქტია ის, რომ პროექტის განხორცილებისას დასაქმდებიან ადგილობრივი კადრები.
მარნეულის გამგებლმა პროგრამის  წარმომადგენლებს სრული მხარდაჭერა აღუთქვა პროექტის განხორციელბაში.