მუნიციპალიტეტის მასშტაბით წელს, 17 საჯარო სკოლაში სხვადასხვა სახის სარეაბილიტაციო სამუშაოები განხორციელდება.

სკოლის შენობების კეთილმოწყობისთვის  ბიუჯეტიდან 1 491 399 ლარია გამოყოფილი.

დღეს,  საჯარო სკოლებში მიმდინარე სამუშაოებს მარნეულის მუნიციპალიტეტის მერი, ზაურ დარგალი, ადგილზე გაეცნო. 

მერმა სოფელ არაფლოს, მარეთის, დამია- გეურარხის, ქალაქ მარნეულის №4 და  №6 საჯარო სკოლაში მიმდინარე სარეაბილიტაციო სამუშაოები დაათვალიერა და პროექტის განმახორციელებელი კომპანიის წარმომადგენლებს სამუშაოს შესრულების ეტაპებზე, ხარისხსა და ვადებზე გაესაუბრა.

ამ ეტაპისთვის, საჯარო სკოლების კეთილმოწყობის მიზნით,   პრიორიტეტული მიმართულებებია - სახურავების გამოცვლა, კარ-ფანჯრების გამოცვლა, გათბობის სისტემების მონტაჟი და საპირფარეშოების რეაბილიტაცია.  ასევე დაგეგმილია სხვა სახის საბაზისო ინფრასტრუქტურის სამუშაოების განხორციელება, როგორიცაა იატაკის გამოცვლა, საკანალიზაციო სისტემების მოწყობა და ა.შ.