დღეს მარნეულის მუნიციპალიტეტის №55 საჯარო სკოლის მეთორმეტე კლასელებისთვის „ბოლო ზარი“ დაირეკა.

ამ დღეს სკოლის მოსწავლეებისა და პედაგოგებისთვის ემოციების და მღელვარების გარეშე არ ჩაუვლია. სპეციალურად ამ დღისთვის საგულდაგულოდ მომზადებული მოსწავლეები ცეკვებით,  სიმღერებითა, და თემატური მინიატურებით ემშვიდობებოდნენ სკოლის კედლებს.   
მოსწავლეთა საზეიმო ღონისძიებაზე მიწვეულნი იყვნენ მარნეულის მუნიციპალიტეტის გამგებელი მერაბ თოფჩიშვილი,  საგანმანათლებლო რესურსცენტრის ხელმძღვანელი რუსლან გაჯიევი და ადგილობრივი თვითმმართველობის სხვა ხელმძღვანელი პირები.
გამგებელმა მეთორმეტე კლასელებს  სკოლის დამთავრება მიულოცა, თეთრ პერანგებზე სამახსოვრო წარწერები  დაუტოვა  და წარმატება უსურვა.