დღეს, 6 ივლისს მარნეულის მუნიციპალიტეტის საჯარო ბიბლიოთეკაში, შშმ პირთა უფლებებზე და შშმ პირთა ადვოკატირების შესაძლებლობების შესახებ, ადგილობრივი თვითმმართველობის თანამშრომლებისათვის, მარნეულის საგანმანათლებლო რესურსცენტრის წარმომადგენლებისათვის  და მარნეულელი ახალგაზრდებისათვის ტრენინგი ჩატარდა.
ტრენინგი ბავშვთა და ახალგაზრდობის ეროვნული ცენტრისა და მარნეული მუნიციპალიტეტის მხარდაჭერით გაიმართა, რომელიც    ამავე ცენტრის ეტლით მოსარგებლე თანამშრომლებმა ჩაატარეს.
აღნიშნული, შეხვედრა განხორციელდა  ბავშვთა და ახალგაზრდობის ეროვნული ცენტრის პროგრამის "ახალგაზრდული ფესტივალი 2017–ს" პროექტის "ცვლილებები თანასწორობისთვის“ ფარგლებში, რომლის მიზანია ახალგაზრდების ცნობიერების ამაღლება შშმ პირებთან მიმართებაში, ტოლერანტული საზოგადოების ფორმირება და მათი ინკლუზია საზოგადოებაში.