მარნეულში „სოფლის მხარდაჭერის პროგრამის“ ფარგლებში მოსახლეობასთან შეხვედრები დასრულდა

მარნეულის მუნიციპალიტეტში „სოფლის მხარდაჭერის პროგრამის“ ფარგლებში, სოფლის კრება/კონსულტაციების გამართვა დასრულდა.

აღნიშნული პროგრამის ფარგლებში, მოსახლეობასთან შეხვედრები ყველა ადმინისტრაციულ ერთეულში შემავალი სოფლების მოსახლეობასთან შედგა.

მოსახლეობასთან შეხვედრები მარნეულის მუნიციპალიტეტში 16 თებერვლიდან დაიწყო და 26 თებერვალს დასრულდა.

„სოფლის მხარდაჭერის პროგრამის“ ფარგლებში გასული წლების მსგავსად, მიმდინარე წელსაც სოფლად მცხოვრები მოსახლეობის საკეთილდღეოდ არაერთი მნიშვნელოვანი პროექტი განხორციელდება, რომელსაც მოსახლეობა დასახლებების მიხედვით ხმათა უმრავლესობით განსაზღვრავს.

აღსანიშნავია, რომ მარნეულის მუნიციპალიტეტისთვის რეგიონებში განსახორციელებელი პროექტების ფონდიდან გამოყოფილია 1 232 000 ლარი, რომლითაც სოფლებში სხვადასხვა ინფრასტრუქტურული პროექტები დაფინანსდება.