მარნეულის მუნიციპალიტეტის ყიზილაჯლოს ადმინისტრაციულ ერთეულში 2016 წელს მასშტაბური საგზაო ინფრასტრუქტურული პროექტები განხორციელდა, რომლის ფარგლებში  ასფალტო - ბეტონის საფარი 11 ქუჩაზე დაიგო.
სოფელ ყიზილაჯლოში შიდა გზების სარეაბილიტაციო სამუშაოები პირველ ეტაპზე ათა თურქის ქუჩის, ათა თურქის ჩიხის №2, მოლა ფანახ ვაგიფის, ჰიდრის ზეინალოვის, მეხტი ჰუსეინის, აკაკი წერეთლის, ნოე ჟორდანიას და თაზა მაჰლას ქუჩებზე 5კმ-იანი, ხოლო მეორე ეტაპზე ზაქარია ფალიაშვილის, ჰაჯალი ყურბანოვის და მეგობრობის ქუჩებზე   განხორციელდა.
ინფრასტრუქტურული პროექტები,  პირველ ეტაპზე, ადგილობრივი ბიუჯეტიდან და რეგიონებში განსახორციელებელი პროექტების ფონდიდან 810 795 ლარით დაფინანსდა, ხოლო მეორე ეტაპი „სოფლის პროგრამის მხარდაჭერის“ ფარგლებში, 119 224 ლარით   დაფინანსდა.