მარნეულში, სოფელ დამია-გეურარხში მდინარე დებედას ნაპირსამაგრი სამუშაოების დასკვნითი ეტაპი, მარნეულის მუნიციპალიტეტის მერის მოვალეობის შემსრულებელმა ზაურ ტაბატაძემ, მერიის ხელმძღვანელ პირებთან ერთად დაათვალიერა.

მოგახსენებთ, რომ მდინარეს უკვე შეეცვალა კალაპოტი, ამ ეტაპისთვის კი ეწყობა ქვის გაბიონები, რომელმაც მდინარე ადიდების დროს უნდა შეაკავოს.

აღნიშნული პროექტის სამუშაოებისთვის რეგიონული განვითარების ფონდიდან 1 511 957 ლარი იქნა გამოყოფილი.

მარნეულის მუნიციპალიტეტის მერის მოვალეობის შემსრულებელმა ზაურ ტაბატაძემ, მიმდინარე სამუშაოები დადებითად შეაფასა და პროექტის მნიშვნელობას ხაზი გაუსვა.

შეგახსენებთ, რომ ზემოთხსენებულ სოფელში მდინარის ადიდების შედეგად ნადგურდებოდა ადგილობრივი მოსახლეობის სასოფლო-სამეურნეო სავარგულები, რის გამოც მიღებულ იქნა გადაწყვეტილება აღნიშნული პროექტის განხორციელებისთვის.