მარნეულის მუნიციპალიტეტი
ოფიციალური ვებგვერდი
ცხელი ხაზი
სიახლეები

 

საგანმანათლებლო პროექტი „დიდგორელი“
07 აპრ 2021
 

17 მარტიდან მარნეულის მუნიციპალიტეტში საგანმანათლებლო პროექტი „დიდგორელი“ მიმდინარეობს. „დიდგორელი“ ისტორიის სასკოლო კონკურსია, რომელიც მიზნად ისახავს მოსწავლეების ისტორიით დაინტერესებას და ისტორიის - როგორც ერთ-ერთი მნიშვნელოვანი საგნის პოპულარიზაციას.

„დიდგორელის“ პირველ ტურში 528 მარნეულელი მოსწავლე ჩაერთო, ხოლო, მეორე ტურში, რომელიც გაიმართა 6 აპრილს მონაწილეობა მიიღო 159-მა მოსწავლემ, რომლებსაც გადაეცათ სერტიფიკატები, წიგნები და „დიდგორელის“ მედალიონები.
მოსწავლეები სამი კვირის განმავლობაში ემზადებოდნენ მეორე ტურისთვის. მათ ამ პერიოდის განმავლობაში წაიკითხეს ქართველი კლასიკოსების - ვასილ ბარნოვის და ლევან გოთუას მოთხრობები („ნაძვნარის დევი“, „თრიალეთური ლანდები“), სატესტო კითხვები ამ მოთხრობებიდანაც შედგებოდა.

„დიდგორელის“ ერთ-ერთი მთავარი მიზანი ქართველი მწერლების ნაწარმოებების გაცნობაა, შესაბამისად მოსწავლეები ყველა ტურის მოსამზადებელ პერიოდში კითხულობენ სხვადასხვა ისტორიულ მოთხრობებს.
მესამე ტურში გადასულთა ვინაობა 8 აპრილს გახდება ცნობილი.

აღსანიშნავია, რომ „დიდგორელის“ გამარჯვებულს კომპანია არემჯისგან გადაეცემათ სტიპენდია, ხოლო, სხვა ფინალისტებს სხვადასხვა სახის ფასიანი საჩუქრები. აგრეთვე, კონკურსანტები მონაწილეობას მიიღებენ სხვადასხვა ისტორიულ-საგანმანათლებლო ტურებში (ოკუპაციის მუზეუმი, მერაბ კოსტავას სახლ-მუზეუმი, ეროვნული ბიბლიოთეკა და სხვ.)

„დიდგორელი“ 2019 წელს დაიწყო მანგლისისა და თეთრიწყაროს მიტროპოლიტის, ისტორიის მეცნიერებათა დოქტორის მეუფე ანანიას ჩართულობითა და მხარდაჭერით.
კონკურსანტებს მარნეულის მერიაც დააჯილდოებს სხვადასხვა სახის საჩუქრებით.

 
 
მნახველთა რაოდენობა: 4776
 
 
 
სიახლეები
ოქტ 24 სამ 2023
1605
სექ 19 სამ 2023
1855
ივლ 05 ოთხ 2023
2029
 
 
სიახლეები
2024 მარტი
ორშსამოთხხუთპარშბკვ
123
45678910
11121314151617
18192021222324
25262728293031