„საინფორმაციო შეხვედრების“ ფარგლებში ზურაბ ჟვანიას სახელობის სახელმწიფო ადმინისტრირების სკოლის ინიციატივით მარნეულში, ეროვნულ უმცირესობებთან, ახალი კორონავირუსის (COVID-19-ის) ვაქცინაციის შესახებ ინფორმირებულობის გაზრდის მიზნით, საინფორმაციო შეხვედრა გაიმართა.
შეხვედრას თემაზე: „დისკუსიები COVID-19-ის შესახებ“ - ექიმი ალერგოლოგი ბიძინა კულუმბეგოვი უძღვებოდა, სადაც განხილულ იქნა პანდემიასთან დაკავშირებით ქვეყანაში შექმნილი ვითარება და ვირუსის გავრცელების პრევენციის მიზნით ვაქცინაციის პროცესის მნიშვნელობა.
საინფორმაციო შეხვედრას ესწრებოდნენ ცენტრალური და ადგილობრივი ხელისუფლების ხელმძღვანელი პირები, სკოლის პედაგოგები და ბენეფიციარები.