ქვემო ქართლში სახელმწიფო რწმუნებულის გიორგი დოხტურიშვილის ინიციატივით მხარეში მედიკამენტებზე საშეღავათო პირობები დაწესდა.სახელმწიფო რწმუნებულმა  რეგიონში მოქმედი სააფთიაქო ქსელების წარმომადგენლებთან ურთიერთთანამშრომლობის მემორანდუმი გააფორმა - დოკუმენტის თანახმად, დღეიდან ბოლნისის, გარდაბნის, დმანისის, თეთრიწყაროს, მარნეულისა და წალკის მუნიციპალიტეტების სოციალური პროგრამებით მოსარგებლე ბენეფიციარებისთვის მედიკამენტები და სხვა საჭირო ტექნიკური საშუალებები კვირის ნებისმიერ დღეს, ფასდაკლების დღეებში არსებული ფასით გაიცემა.

მემორანდუმს ხელი ქვემო ქართლში სახელმწიფო რწმუნებულმა, გიორგი დოხტურიშვილმა და 6 კომპანიის - ,,ავერსი - ფარმა“ ,,პსპ ფარმა“, ,,ფარმადეპო", ,,გეფა“, ,,ინპექსფარმი“ და ,,კალანდაძე“ -ს წარმომადგენლებმა მოაწერეს.

ღონისძიებას, სახელმწიფო რწმუნებულის მოადგილეები, მარნეულის მუნიციპალიტეტის მერი კენან ომაროვი და რეგიონის მუნიციპალიტეტების მერები ესწრებოდნენ.