„საინფორმაციო შეხვედრების“ ფარგლებში ზურაბ ჟვანიას სახელობის სახელმწიფო ადმინისტრირების სკოლის ინიციატივით მარნეულში, ეროვნულ უმცირესობებთან, ახალი კორონავირუსის (COVID-19-ის) ვაქცინაციის შესახებ ინფორმირებულობის გაზრდის მიზნით, საინფორმაციო შეხვედრა გაიმართა.
COVID-19-ის პრევენციასთან დაკავშირებით საინფორმაციო კამპანიის ფარგლებში სახელმწიფო მინისტრი მარნეულის მუნიციპალიტეტს ეწვია. თეა ახვლედიანი, სახელმწიფო რწმუნებულთან, შოთა რეხვიაშვილთან და მარნეულის მუნიციპალიტეტის მერის მოვალეობის შემსრულებელ, ზაურ ტაბატაძესთან ერთად სოფელ წოფში ადგილობრივ მოსახლეობას შეხვდა და მათ საინფორმაციო ბროშურები და სამედიცინო პირბადეები გადასცა.