პრემიერ მინისტრის მიერ ინიცირებულმა წამახალისებელმა პროგრამამ, მარნეულში ვაქცინაციის პროცესი მნიშვნელოვნად გაააქტიურა, აცრის მსურველთა მიმართვიანობა კლინიკებში საგრძნობლად გაიზარდა.
აღსანიშნავია, რომ პრემიერ-მინისტრის ინიციატივით, 200-ლარიან ერთჯერად დანამატს მიიღებს 60 წელს ზემოთ საქართველოს თითოეული მოქალაქე, რომელიც 2021 წლის 8 ნოემბრიდან 2021 წლის 31 დეკემბრის ჩათვლით, ახალი კორონავირუსული დაავადების საწინააღმდეგო ვაქცინით აიცრება. დანამატი გაიცემა პირველი აცრის გაკეთების შემდეგ.