ახალგაზრდა არქეოლოგთა ასოციაციის და გერმანული ორგანიზაცია „ევროპის კულტურული მემკვიდრეობის მოხალისეები“-ის წარმომადგენლებმა (European Heritage Volunteers), მარნეულის მუნიციპალიტეტის ხელმძღვანელ პირებს, სოფელ შაუმიანში კულტურული მემკვიდრეობის ობიექტზე ჩატარებული კვლევითი სამუშაოების პრეზენტაცია წარუდგინეს.
აღსანიშნავია, რომ შაუმიანში ალექსანდრე მელიქ ფაშაევის სახელობის სახლ-მუზეუმში, პროექტის ფარგლებში დაგეგმილია ბიბლიოთეკის რეაბილიტაციის და მრავალფუნქციური საგანმანათლებლო სივრცის მოწყობა, რომლის რესტავრაცია/კონსერვაციის დოკუმენტის მომზადებასა და რეკომედაციებზე მუშაობდა აღნიშნული საერთაშორისო ექსპედიცია.
შეხვედრას მარნეულის მუნიციპალიტეტის მერის მოვალეობის შემსრულებელი ზაურ ტაბატაძე, მარნეულის მერის მოადგილე როინ დეკანოიძე, საკრებულოს თავმჯდომარის მოადგილე რიჩარდ გიგანი, მარნეულის მუნიციპალიტეტის ,,კულტურის ცენტრის“ დირექტორი ნატო შავიშვილი და მოწვეული სტუმრები ესწრებოდნენ.