31 ოქტომბერსა და 1 ნოემბერს, მარნეულის მოსახლეობას, სს „უნივერსალური სამედიცინო ცენტრის“ მიერ უფასო სამედიცინო აქცია ჩაუტარდებათ.
სამედიცინო აქცია, ორი დღის განმავლობაში ქალაქ მარნეულში, 26 მაისის ქუჩაზე მდებარე რაიონული საავადმყოფოს შემონაში გაიმართება.
აქციის მიზანია, ონკოლოგიური დაავადებების პრევენცია, ადრეულ სტადიაზე გამოვლენა, დიაგნოსტიკის და მკურნალობის ტაქტიკის შერჩევა. აღნიშნულის უზრუნველსაყოფად აქციაში მონაწილეობას მიიღებენ სხვადასხვა მიმართულების ექიმი-ონკოლოგები: აბდომინური, პროქტოლოგიური, თორაკალური, თავ-კისრის, გინეკოლოგიური, რბილი ქსოვილების, მამოლოგიური, ბავშვთა ონკოლოგიის სპეციალისტები და ციტოლოგი.
დამატებით გაცნობებთ, რომ სს „უნივერსალური სამედიცინო ცენტრი (ონკოლოგიის ეროვნული ცენტრი)“ გამოთქვამს მზადყოფნას, ონკოდაავადების მქონე არასრულწლოვანების გამოვლენის შემთხვევაში, 5 მათგანს უსასყიდლოდ ჩაუტაროს ოპერაცია.