მარნეულის მუნიციპალიტეტი
ოფიციალური ვებგვერდი
ცხელი ხაზი
სიახლეები

 

26 მაისი საზეიმოდ და მასშტაბურად აღინიშნა მარნეულში
26 მაი 2022
 

26 მაისი საზეიმოდ და მასშტაბურად აღინიშნა მარნეულში. საქართველოს მთავრობის ინიციატივითა და სახელმწიფო მინისტრის აპარატის ორგანიზებით დილიდან ქალაქის მთავარ სკვერში, „კიდევაც დაიზრდებიან“ ძეგლის მიმდებარე ტერიტორიაზე მოწყობილი იყო სხვადასხვა გასართობი და შემეცნებითი სივრცეები მრავალფეროვანი და საინტერესო კომპონენტებით, მათ შორის სპორტული აქტივობებით, კონკურსებით, საბავშვო სპექტაკლებით და შოუებით.

შეკრებილ მოსახლეობას საქართველოს დამოუკიდებლობის დღე შერიგებისა და სამოქალაქო თანასწორობის საკითხებში სახელმწიფო მინისტრის მრჩეველმა ლია გიგაურმა, ქვემო ქართლის რეგიონში სახელმწიფო რწმუნებულმა გიორგი დოხტურიშვილმა და მარნეულის მერმა კენან ომაროვმა მიულოცეს.

საქართველოს დამოუკიდებლობის დღესთან დაკავშირებული ღონისძიებების ფარგლებში, ადგილობრივი და ცენტრალური ხელისუფლების წარმომადგენლებმა, მარნეულისა და ჰუჯაბის ეპისკოპოს გიორგი ჯამდელიანთან ერთად, საქართველოს ეროვნული გმირის მერაბ კოსტავას ბარელიეფი მოინახულეს და პატივი მიაგეს.

აღსანიშნავია, რომ ქალაქის შემოსასვლელში, საქართველოს დამოუკიდებლობის დღესთან დაკავშირებით, საქართველოს სახელმწიფო დროშა აღიმართა და კურთხევის ცერემონიალი მოეწყო.

ადგილობრივმა ანსამბლებმა შეასრულეს მრავალფეროვანი მუსიკალური და ქორეოგრაფიული ნომრები. დღის კულმინაციას წარმოადგენდა საქართველოს ჰიმნის საზეიმოდ შესრულება. 26 მაისისადმი მიძღვნილი ღონისძიებები დასრულდა ანსამბლი „ალილოს“ და ბენდის „რეზო და ბავშვების“ კონცერტით.

 
 
მნახველთა რაოდენობა: 534
 
 
 
სიახლეები
ივნ 27 ორშ 2022
181
ივნ 23 ხუთ 2022
152
ივნ 08 ოთხ 2022
311
მაი 25 ოთხ 2022
414
მაი 20 პარ 2022
440
მაი 09 ორშ 2022
625
აპრ 28 ხუთ 2022
630
აპრ 22 პარ 2022
590
აპრ 21 ხუთ 2022
574
 
     
    სიახლეები
    2022 ივლისი
    ორშსამოთხხუთპარშბკვ
    123
    45678910
    11121314151617
    18192021222324
    25262728293031