პრემიერ-მინისტრ ირაკლი ღარიბაშვილის ინიციატივით დაწყებული „განახლებული რეგიონების“ სახელმწიფო პროგრამის  ფარგლებში მარნეულის მუნიციპალიტეტში, რუსთაველის ქუჩაზე, რეკრეაციული სივრცეების რეაბილიტაციის სამუშაოები აქტიურად მიმდინარეობს.

პირველი ეტაპისთვის რეაბილატაცია უტარდება კულტურის ცენტრის წინ მდებარე სკვერს, რომლის ღირებულება 1 მილიონ ლარს შეადგენს.

პროგრამის ფარგლებში სრულად განახლდება კულტურის ცენტრის წინ მდებარე სკვერი და რუსთაველის ქუჩაზე, მერიის შენობის მიმდებარედ - „ათაჰოლდინგის“ ცენტრამდე არსებული რეკრეაციული სივრცე. მოეწყობა გარე განათებები, სასეირნო ბილიკები, საბავშვო გასართობი კუთხეები, მოსასვენებელი სივრცეები, ასევე - შადრევანი. განახლდება მწვანე ზოლი.

პროექტი ცენტრალური ბიუჯეტიდან ფინანსდება.