ადგილობრივი და ცენტრალური ხელისუფლების წარმომადგენლებმა, გაეროს განვითარების პროგრამის (UNDP), „დეცენტრალიზაციისა და ადგილობრივ დონეზე კარგი მმართველობის ხელშეწყობა საქართველოში“ (DGG) პროექტის ფარგლებში განხორციელებული ახალგაზრდული ინიციატივები მოინახულეს.

მარნეულის მუნიციპალიტეტში, სამოქალაქო ორგანიზაციების საგრანტო პროექტების ფარგლებში სულ 9 ინიციატივა განხორციელდა.

ხელმძღვანელი პირები, საქართველოში UNDP-ის წარმომადგენელ ნიკ ბერესფორდთან ერთად სტუმრობდნენ ახალგაზრდულ ინიციატივებს: დიოკნისის საჯარო სკოლის სათბური, მობილური კინოთეატრი, სოფელ აღმამედლოს ბიბლიოთეკა, მოსიარულე მუზეუმი და მარნეულის მეორე საჯარო სკოლაში - განათლების ბაღი, ღია სივრცე არაფორმალური განათლებისათვის.

ახალგაზრდული ინიციატივები მოინახულეს რეგიონული განვითარებისა და ინფრასტრუქტურის მინისტრის მოადგილე მზია გიორგობიანმა, სახელმწიფო რწმუნებულის მოადგილემ ქვემო ქართლში კახა კობერიძემ, მარნეულის მერმა ქენან ომაროვმა და UNDP-ის ხელმძღვანელმა საქართველოში ნიკ ბერესფორდმა.

პროგრამა (UNDP) აქტიურად უჭერს მხარს სოციალური ანგარიშვალდებულებისა და სამოქალაქო აქტივიზმის ხელშემწყობი პროექტების განხორციელებას.