მარნეულის მუნიციპალიტეტში ვაქცინაცია აქტიურად მიმდინარეობს. ამცრელი ბრიგადები ოთხ სამედიცინო დაწესებულებაში „ჯეოჰოსპიტალსის მრავალპროფილური სტაციონარი“, „ჯეოჰოსპიტალსის კლინიკა“ , პოლიკლინიკა ,,მედიქსი’’ და სამედიცინო ცენტრი ,,ადიკი“ -ში ახორციელებენ ვაქცინაციას. აცრა ჯანმრთელობის მსოფლიო ორგანიზაციის მიერ ავტორიზებული ვაქცინებით „სინოფარმი“, „სინოვაკი“, „ასტრაზენეკა” და ,,ფაიზერით“ კეთდება.
საყოველთაო აცრის მიმდინარეობას, ადგილზე პირადად გაეცნო ქვემო ქართლში სახელმწიფო რწმუნებული, შოთა რეხვიაშვილი და მარნეულის მუნიციპალიტეტის მერის მოვალეობის შემსრულებელი, ზაურ ტაბატაძე.
რეგისტრაცია შესაძლებელია, როგორც ელექტრონული პორტალის - https://booking.moh.gov.ge მეშვეობით, ასევე პირდაპირ, აღნიშნულ სამედიცინო დაწესებულებებში ვიზიტისას. გარდა ამისა, ვიზიტის დასაჯავშნად, მოქმედებს ერთიანი სამთავრობო ცხელი ხაზის სპეციალური ნომერი - 144-3 .