მარნეულის მუნიციპალიტეტი
ოფიციალური ვებგვერდი
ცხელი ხაზი
სიახლეები

 

მერმა, მოქალაქეთა გასვლითი მიღება ამჯერად კასუმლოში გამართა
06 აგვ 2019
 

დღეს, მარნეულის მუნიციპალიტეტის მერმა, ზაურ დარგალმა, მოქალაქეთა გასვლითი მიღება,  ამჯერად კასუმლოს ადმინისტრაციულ ერთეულში გამართა.

ზაურ დარგალმა მოქალაქეები სოფელ კასუმლოს საჯარო სკოლაში მიიღო, სადაც მათ წინაშე არსებული საჭიროებები მოისმინა და გადაჭრის გზებზე, მათთან ერთად იმსჯელა.

მოქალაქეთა მიერ  წამოჭრილი საკითხები  ძირითადად, სარწყავი წყლით უზრუნველყოფის  პრობლემას შეეხებოდა, რომელიც ბოლო რამდენიმე დღეა სოფელში ფიქსიდება.

აღნიშნულთან დაკავშირებით,  მერის თხოვნით ადგილზე  ჩავიდა  საქართველოს მელიორაციის ხრამი–დებედას სერვის ცენტრის უფროსი ალექსანდრე შუკაკიძე,  რომელმაც ადგილობრივებს სარწყავი წყლის  დებეტის რაციონალურად განაწილების  უზრუნველყოფის მიზნით, კომპანიის მიერ დადგენილი გეგმა- გრაფიკი გააცნო და არსებულ ვითარებასთან დაკავშირებით წარმოშობილ კითხვებს უპასუხა.

მერთან შეხვედრის დროს  ადგილობრივებმა ძირითადად ყურადღება მიწის ლეგალიზაციის პრობლემებზე გაამახვილეს, რაზედაც მერიის შესაბამისი სამსახურის წარმომადგენლისგან, კომპეტენციის ფარგლებში მოქალაქეებს ამომწურავი ინფორმაცია მიეწოდათ.

მოგახსენებთ, რომ მერი,  გასვლით შეხვედრებს სხვადასხვა ადმინისტრაციულ ერთეულებში, მომავალშიც ინტენსიურად გააგრძელებს, რომლის მიზანი მოსახლეობასა და ადგილობრივ  თვითმმართველობას  შორის კომუნიკაციის გამარტივება წარმოადგენს.

 
 
მნახველთა რაოდენობა: 5411
 
 
 
სიახლეები
ოქტ 24 სამ 2023
1719
სექ 19 სამ 2023
1966
ივლ 05 ოთხ 2023
2139
 
     
    სიახლეები
    2024 მარტი
    ორშსამოთხხუთპარშბკვ
    123
    45678910
    11121314151617
    18192021222324
    25262728293031