26 მაისს, მარნეულის მუნიციპალიტეტში საქართველოს პირველი დამოუკიდებელი რესპუბლიკის დაარსების 101 წლისთავისადმი მიძღვნილი გრანდიოზული ღონისძიება გაიმართა.
ღონისძიების ფარგლებში, ქალაქის ცენტრალურ ქუჩაზე, დილიდან გამოიფინა სამხედრო ტექნიკა. მოეწყო სხვადასხვა კულტურული, სპორტული ღონისძიებები და თემატური გამოფენები.
მარნეულის ბიბლიოთეკის სკვერში წარმოდგენილი იყო მუნიციპალიტეტში არსებული, კულტურული მემკვიდრეობის ძეგლებისა და მერიის მიერ განხორციელებული და დაგეგმილი პროექტების ფოტო- გამოფენა.
ადგილობრივებისთვის, დამოუკიდეებლობის დღის მისალოცად, მარნეულს ეწვივნენ საქართველოს ეკონომიკისა და მდგრადი განვითარების მინისტრი ნათია თურნავა, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის მოადგილე ლია გიგაური და სახელმწიფო რწმუნებული ქვემო ქართლში შოთა რეხვიაშვილი.
სადღესასწაულო ღონისძიებას ასევე ესწრებოდნენ მარნეულის მაჟორიტარი- დეპუტატები თამაზ ნავერიანი და რუსლან გაჯიევი, მარნეულის მერის მოვალეობის შემსრულებელი ზაურ ტაბატაძე, საკრებულოს თავმჯდომარე ამირან გიორგაძე და ადგილობრივი ხელისუფლების სხვა წარმომადგენლები .
აღსანიშნავია, რომ ანსამბლ „აღსავალისა“ და ახალგაზრდა მომღერალ შაბან მამედოვის მიერ, ერთობლივად შესრულდა საქართველოს ჰიმნი.
ღონისძიების პირველ ნაწილში მოსახლეობის წინაშე სხვადასხვა მუსიკალური თუ საცეკვაო ნომერებით წარდგნენ კულტურის ცენტრთან არსებული შემოქმედებითი კოლექტივები.
დღის ბოლოს ანსამბლ „მგზავრებისა“ და თეატრალური კვარტეტის მონაწილეობით გალა-კონცერტი გაიმართა.
26 მაისისადმი მიძღვნილი ღონისძიება მარნეულში ფოიერვერკით დასრულდა.
სიახლეები
26 მაისი მარნეულში გრანდიოზულად აღინიშნა
26 მაი 2019
მნახველთა რაოდენობა: 5402
სიახლეები
აპრ 03 ოთხ 2024
411
აპრ 22 ოთხ 2020
15584
აპრ 22 შბ 2017
28801
იან 09 ორშ 2017
28363
აგვ 30 სამ 2016
30373
აგვ 27 შბ 2016
29666
სექ 02 პარ 2016
28074
აგვ 26 პარ 2016
27578
აგვ 30 სამ 2016
25721