მარნეულის მუნიციპალიტეტი
ოფიციალური ვებგვერდი
ცხელი ხაზი
სიახლეები

 

მარნეულში ძალადობის მსხვერპლთა მომსახურების კრიზისული ცენტრი გაიხსნა
27 თებ 2019
 

დღეს, ქალაქ მარნეულში, რუსთაველის ქ. 41-ში, ადამიანთა ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდის, გენდერული ძალადობის წინააღმდეგ 16 დღიანი კამპანიის ფარგლებში, ძალადობის მსხვერპლთა მომსახურების კრიზისული ცენტრი გაიხსნა.

კრიზისული ცენტრი არის სარეაბილიტაციო მომსახურების დაწესებულება, რომელიც ძალადობის მსხვერპლთა/დაზარალებულთა ან ძალადობის სავარაუდო მსხვერპლთა დახმარებისთვის არის შექმნილი, რომლის მიზანი კრიზისული ცენტრის ბენეფიციართა უფლებებისა და კანონიერი ინტერესების დაცვას, ჯამრთელობის დაცვას და ფსიქოლოგიურ-სოციალური დახმარების ხელშეწყობას წარმოადგენს.

ღონისძიებას მარნეულის მერის მოადგილე ლაშა ლობჯანიძე, ქვემო ქართლში სახელმწიფო რწმუნებულის მოადგილე ზაურ დარგალი, ფონდის დირექტორი მერი მაღლაფერიძე, გაეროს ქალთა ორგანიზაციის, ადგილობრივი არასამთავრობო ორგანიზაციების წევრები, მუნიციპალიტეტის მერიისა და საკრებულოს ხელმძღვანელი პირები და სხვა მოწვეული სტუმრები ესწრებოდნენ.

შეგახსენებთ, რომ სახელმწიფო ფონდის საქმიანობის ერთ-ერთი მიმართულება, ოჯახში ძალადობის მსხვერპლთა დაცვა და დახმარებაა. დღეის მონაცემებით, საქართველოს მასშტაბით ხუთი კრიზისული ცენტრი, ხუთი თავშესაფარი ფუნქციონირებს, ასვე ფონდის დაქვემდებარებაშია ძალადობისგან დაცვის ეროვნული ცხელი ხაზი 116006.

ღონისძიება გაეროს ქალთა ორგანიზაციის და ევროკავშირის ფინანსური მხარდაჭერით გაიმართა.

 
 
მნახველთა რაოდენობა: 1553
 
 
 
სიახლეები
 
     
    სიახლეები
    2019 აგვისტო
    ორშსამოთხხუთპარშბკვ
    1234
    567891011
    12131415161718
    19202122232425
    262728293031