მარნეულის მუნიციპალიტეტში, მუნიციპალური ავტობუსების ტექნიკური და ვიზუალური რემონტი აქტიურად მიმდინარეობს.

სამუშაოებს ადგილზე გაეცნენ მარნეულის მუნიციპალიტეტის მერის მოადგილე ლაშა ლობჯანიძე და შპს „ავტოპარკის“ დირექტორი გიგა ჯალაღონია.

ამ ეტაპისთვის რეაბილიტაცია უტარდება მარნეული - კაპანახჩისა და მარნეული - შაუმიანის მიმართულებით მოძრავ ავტობუსებს.

ტრანსპორტის რეაბილიტაციისთვის ამ ეტაპისთვის გამოყოფილი თანხა 32 000 ლარს შეადგენს. წლის განმავლობაში დაგეგმილია 9 ერთეული მუნიციპალური ავტობუსის შეკეთება.