დღეს, საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი ქვემო ქართლის გუბერნატორთან შოთა რეხვიაშვილთან ერთად, მარნეულის მუნიციპალიტეტის მოსახლეობას შეხვდა და წყალმომარაგების დაგეგმილი ინფრასტრუქტურული პროექტების შესახებ ინფორმაცია მიაწოდა.
ღონისძიებას ასევე ესწრებოდნენ მინისტრის მოადგილეები, გაერთიანებული წყალმომარაგების კომპანიის მენეჯმენტი, მარნეულის მაჟორიტარი დეპუტატები თამაზ ნავერიანი და რუსლან გაჯიევი, მერის მოვალეობის შემსრულებელი ზაურ ტაბატაძე და საკრებულოს თავმჯდომარე ამირან გიორგაძე, გუბერნიისა და თვითმმართველობის სხვა ხელმძღვანელ პირებთან ერთად.
შეხვედრა კითხვა-პასუხის რეჟიმში წარიმართა და მოსახლეობამ, უწყების წარმომადგენლებისგან, პროექტებზე დეტალური ინფორმაცია მიიღო. როგორც ვიცე-პრემიერმა აღნიშნა, ინფრასტრუქტურის სამინისტროს გაერთიანებული წყალმომარაგების კომპანია მარნეულის წყალმომარაგებისა და წყალარინების სისტემის, ბოლნისის კოლექტორისა და წყალარინების სისტემის სამობილიზაციო სამუშაოებს დეკემბერში დაიწყებს. სამშენებლო სამუშაოები მომავალი წლის პირველ კვარტალში დაიწყება. ხელშეკრულებას ხელი გაერთიანებული წყალმომარაგების კომპანიასა და აზერბაიჯანულ კომპანია ,,Akelik Group ‘’ -ს შორის მოეწერა. ამ დროისთვის, მარნეულის მოსახლეობის 83 პროცენტს სასმელი წყალი 5-6 საათიანი გრაფიკით მიეწოდება. პროექტის დასრულების შემდეგ, ქალაქ მარნეულისა და მარნეულის მუნიციპალიტეტის სოფლების 35 200-მდე მაცხოვრებელი სტაბილური, ხარისხიანი წყალმომარაგებით იქნება უზრუნველყოფილი. რაც შეეხება წყალარინების ინფრასტრუქტურას, დღეის მდგომარეობით, სოფელ ყიზილაჯლოში კანალიზაციის სისტემა არ არსებობს, მარნეულში მოსახლეობის დაახლოებით 25 და ბოლნისში - 40 პროცენტი სარგებლობს წაყალარინების ინფრასტ
რუქტურით. პროექტის დასრულების შემდეგ, კანალიზაციის გამართული ინფრასტრუქტურით ისარგებლებს მარნეულის, ბოლნისისა და სოფელ ყიზილაჯლოს 38 000-მდე მოსახლე. პროექტის ფარგლებში დაგეგმილია სატუმბი სადგურისა და სამი ახალი რეზერვუარის მშენებლობა, მაგისტრალური მილის და შიდა ქსელების მოწყობა, ამორტიზებული მილების ახლით ჩანაცვლება. ასევე, ახალი საკანალიზაციო მილების მოწყობა (121კმ) და წყალარინების სატუმბი სადგურის მშენებლობა. პროექტს, ურბანული მომსახურების გაუმჯობესების ინვესტირების პროგრამის ფარგლებში, აზიის განვითარების ბანკი 55,940,022 დოლარით აფინანსებს. სამშენებლო სამუშაოებს აზერბაიჯანული კომპანია ,,Akelik Group” განახორციელებს. კომპანია 2011 წლის მაისში შეიქმნა. მის ძირითად საქმიანობას წყალმომარაგებისა და წყალარინების სისტემის მოწყობა, მელიორაცია, ჰიდრავლიკური სტრუქტურების, ასევე, ხიდებისა და გზების მშენებლობა წარმოადგენს. აღნიშნული კომპანია საკმაოდ ფართო გამოცდილებას ფლობს მსგავსი პროექტების განხორციელების კუთხით. პროექტის დასრულება 2021 წლის მარტში იგეგმება.
სიახლეები
მარნეულში წყალმომარაგება-წყალარინების სისტემის მშენებლობა იწყება
22 ნოემ 2018
მნახველთა რაოდენობა: 4730
სიახლეები
აპრ 22 ოთხ 2020
15269
აპრ 22 შბ 2017
28402
იან 09 ორშ 2017
28060
აგვ 30 სამ 2016
30105
აგვ 27 შბ 2016
29382
სექ 02 პარ 2016
27716
აგვ 26 პარ 2016
27265
აგვ 30 სამ 2016
25471
აგვ 25 ხუთ 2016
27492