20 თებერვალს, მარნეულის მუნიციპალიტეტის საჯარო ბიბლიოთეკის ინციატივით  მწერალ ია კარგარეთელთან შეხვედრა გაიმართა.
შეხვედრაზე მწერალმა  დამსწრე აუდიტორიის წინაშე, წიგნის "სხვა უდაბნოს საიდუმლო"-ს შესახებ ისაუბრა. მწერალმა  წიგნის კითხვის მნიშვნელობაზეც გაამახვილა ყურადღება და ახალგაზრდებს ბიბლიოთეკის სარგებლობისკენ მოუწოდა.
ია კარგარეთელის  რომანი   გამომცემლობა “პალიტრა L-ის” ლიტერატურული კონკურსის – „გახდი ბესტსელერის ავტორის” გამარჯვებულია. წიგნი მოგვითხრობს ახალგაზრდა მწერლის თავგადასავალზე, რომელიც მას ეგვიპტეში გადახდება.  მთავარი მოულოდნელობა კი ახოვანი, ვერცხლისფერთვალებიანი ბედუინია. თამთას მოგზაურობა წარმოუდგენელი მოვლენების ფონზე მიმდინარეობს, რომელიც ძირფესვიანად ცვლის მის ცხოვრებას.