დღეს, მარნეულის მუნიციპალიტეტის მერმა თემურ აბაზოვმა, მოადგილეებთან, საკრებულოს თავმჯდომარე ამირან გიორგაძესთან და თვითმმართველობის სხვა ხელმძღვანელ პირებთან ერთად სოფელ დიდ მუღანლოში ახლად დასრულებული სკვერი მოინახულა და მოსახლეობას შეხვდა.

ინფრასტრუქტურული პროექტი „სამოქალაქო ბიუჯეტის“ ფარგლებში განხორციელდა, რომლის ინიციატორიც ხანლარ მუსტაფაევი იყო. პროექტის ფარგლებში მოეწყო სამი ფანჩატური, დამონტაჟდა განათებები და მოეწყო ფანჩატურამდე მისასვლელი ბილიკები.

პროექტის განსახორციელებლად თანხა ადგილობრივი ბიუჯეტიდან გამოიყო, რომლისთვისაც 37 093 ლარი დაიხარჯა.
თემურ აბაზოვი სკვერში შეკრებილ მოსახლეობასაც გაესაუბრა, მოისმინა საჭიროებები, გააცნო მუნიციპალიტეტის მიერ დაგეგმილი პროექტები და არსებული პრობლემების კომპეტენციის ფარგლებში მოგვარებას დაპირდა.