დღეს, მარნეულის მერმა თემურ აბაზოვმა და საკრებულოს თავმჯდომარე, ამირან გიორგაძემ, სამხედრო სავალდებულო სამსახურში გაწვეული ახალგაზრდები პირადად გააცილეს, წარმატებები უსურვეს ცხოვრების ახალ ეტაპზე და მადლობა გადაუხადეს სამშობლოს სამსახურში ჩადგომისთვის. ღონისძიებას ესწრებოდნენ მარნეულის მუნიციპალიტეტის მერის მოადგილე ლაშა ლობჯანიძე, სამხედრო აღრიცხვის, გაწვევისა და მობილიზაციის სამსახურის უფროსი ვაჟა შუბითიძე, მერიის თანამშრომლები და წვევამდელთა მშობლები. აღსანიშნავია, რომ ამ ეტაპისთვის, საშემოდგომო გაწვევით, სავალდებულო სამხედრო სამსახურისთვის, მარნეულიდან 35 ახალგაზრდაა გაწვეული.