დღეს,  მარნეულელი ახალგაზრდებისთვის, მუნიციპალიტეტის  მერიაში,  გაიმართა ტრენინგი თემაზე: ადამიანის უფლებები მართლმსაჯულების ჭრილში, ახალგაზრდული აქტივიზმი და ლიდერობა, ახალგაზრდების როლი საზოგადოების განვითარებაში და სოციალური მეწარმეობის საფუძვლები, ასევე  ახლგაზრდების უფლებები, მოვალეობები და ზოგადი ინფორმაცია სასამართლოსა და მართლმსაჯულების შესახებ.
შეხვედრა ინტერაქციული ხასიათის იყო, რომელშიც მონაწილეობა     სკოლის  40 მოსწავლემ და  აქტიურმა  ახალგაზრდამ მიიღო.  ღონისძიება მოიცავდა პრეზენტაციას,  თემატური ვორკშოპსა  და  ჯგუფურ მუშაობას.
ღონისძიების დასასრულს მონაწილეებს ტრენინგის გავლის დამადასტურებელი სერტიფიკატებიც გადაეცათ.
პროექტი  „ახალგაზრდული რეფლექსი“ -  “კავკასიის ახალგაზრდული კავშირი”- სა და ფონდი “ღია საზოგადოება საქართველოს” მხარდაჭერით ხორციელდება, რომელიც სხვადასხვა მუნიციპალიტეტებს მოიცავს.
პროექტის მიზნებია: მართლმსაჯულებასთან დაკავშირებული ახალგაზრდული პრობლემების კვლევა, ანალიზი და საკითხის სისტემურ ჩარჩოში მოქცევა, რომელსაც შესაბამისი რეაგირება და პრობლემების გადაჭრის გზების ძიებაში ახალგაზრდების ჩართულობა მოყვება.