დღეს, „საქართველოს სასოფლო-სამეურნეო კოოპერატივების ასოციაციის“ ორგანიზებით და „სასოფლო-სამეურნეო კოოპერატივების განვითარების სააგენტოს“ მხარდაჭერით, სასოფლო-სამეურნეო კოოპერატივების რეგიონული ფორუმი გაიმართა.
დღევანდელი ფორუმი ENPARD–ის პროგრამის მიერ დაფინანსებული პროექტის „სასოფლო-სამეურნეო კოოპერატივების განვთარების სააგენტოს გაძლიერების“ ფარგლებში ჩატარდა.
რეგიონული ფორუმების, როგორც არაფორმალური პლატფორმის, მიზანია ხელი შეუწყოს და დაეხმაროს საქართველოში რეგისტრირებულ სასოფლო-სამეურნეო კოოპერატივებს მათ წინაშე არსებული პრობლემების გასაჯაროებასა და მათ გადასაჭრელად შესაბამისი ღონისძიებების დაგეგმვასა და განხორციელებაში, ასევე საწარმოო ჯაჭვის წარმომადგენლებთან, სამთავრობო და არასამთავრობო სტრუქტურებთან დაკავშირებასა და მათ შორის კოორდინაციის მექანიზმის გაუმჯობესებაში.
ფორუმს ესწრებოდნენ ქვემო ქართლის გუბერნატორის მოადგილე ზაურ დარგალი, ადგილობრივი თვითმმართველოის წარმომადგენელი,საინფორმაციო-საკონსულტაციო სამსახურების თანამშრომლები, სასოფლო–სამეურნეო კოოპერატივების განვითარების სააგენტოს წარმომადგენელი, ქვემო ქართლის მუნიციპალიტეტების 50- მდე სასოფლო-სამეურნეო კოოპერატივი,სოფლის მეურნეობის პროექტების მართვის სააგენტოს, სურსათის ეროვნული სააგენტოს რეგიონალური სამმართველოს, სოფლის მეურნეობის სამინისტროს ევროინტეგრაციის დეპარტამენტის,ასევე სადაზღვევო კომპანია „ალდაგის“ , მიკროსაფინანსო ორგანიზაცია „კრისტალის“ და კომპანია „ბორან სოფქიმიის“ წარმომადგენლები.
ფორუმის მსვლელობისას ფერმერებმა აქტიური მონაწილეობა მიიღეს განხილვებში და მათთვის საინტერესო კითხვებზე პასუხები მიიღეს კომპეტენტური პირებისაგან.
შეხვედრის დასასრულს, „საქართველოს სასოფლო-სამეურნეო კოოპერატივების ასოციაციის“ პრეზიდენტმა ბატონმა გიორგი ზაქაიძემ ფორუმის მსვლელობისას გაჟღერებული პრობლემები და გამოწვევები შეაჯამა, რომლებზეც მუშაობა ორგანიზაციისთვის მომდევნო პერიოდში პრიორიტეტული იქნება. რეგიონული ფორუმები საქართველოს სხვადასხვა რეგიონში 2017 წლის ივლისის ბოლომდე გაგრძელდება.
პროექტი „სასოფლო-სამეურნეო კოოპერატივების განვითარების სააგენტოს გაძლიერება“ ევროკავშირის ENPARD-ის პროგრამის მხარდაჭერით ხორციელდება Evoluxer-ის მიერ. ENPARD-ის პროგრამა საქართველოში 2013 წლიდან მოქმედებს. მისი მიზანია სოფლად სიღარიბის შემცირება, სოფლის მეურნეობის და სოფლის განვითარების მხარდაჭერის გზით.
სიახლეები
სასოფლო-სამეურნეო კოოპერატივების ფორუმი ქვემო ქართლში
04 ივლ 2017
მნახველთა რაოდენობა: 5849
სიახლეები
აპრ 22 ოთხ 2020
15263
აპრ 22 შბ 2017
28400
იან 09 ორშ 2017
28057
აგვ 30 სამ 2016
30101
აგვ 27 შბ 2016
29381
სექ 02 პარ 2016
27713
აგვ 26 პარ 2016
27262
აგვ 30 სამ 2016
25465
აგვ 25 ხუთ 2016
27487