მარნეულში მცხოვრებმა მცირე მეწარმეებმა, ქვემო ქართლის ტურისტული პროდუქტების გამოფენა-გაყიდვაში მიიღეს მონაწილეობა.
ღონისძიება, რომელიც რუსთავის კულტურისა და დასვენების პარკის ტერიტორიაზე გაიმართა, - ა(ა)იპ ,,ტურიზმი და რეალობა“-ს მიერ განხორციელებული პროექტის: ,,ტურისტული ბიზნესის განვითარება ქვემო ქართლში, როგორც სიღარიბის დაძლევისა და შემოსავლების გენერირების საშუალება“ - ფარგლებში იქნა განხორციელებული.
სპეციალურად ამ დღისთვის, მოეწყო ,,ტურისტული სოფელი“, სადაც ქვემო ქართლის 7 მუნიციპალიტეტის 60-მდე მცირე მეწარმის მიერ წარმოებული საკვები პროდუქტისა და ხელნაკეთი ნივთების გამოფენა-გაყიდვა გაიმართა, ასევე, ქვემო ქართლის რეგიონის სამზარეულოს გაცნობის მიზნით, Workshop - ,,ისწავლე კეთებით, მოამზადე და დააგემოვნე“ ჩატარდა.
აღნიშნული აქტივობის მიზანს, ქვემო ქართლის ტურისტული რესურსის/პროდუქტების
წარმოდგენა, მცირე ბიზნესების მხარდაჭერა და შიდა ტურიზმის განვითარების
სტიმულირება წარმოადგენდა.
ღონისძიების ფარგლებში, წარმოდგენილი იქნა ,,საქართველოს აზერბაიჯანელ ქალთა კავშირი“ -ს მიერ განხორციელებული პროექტის: „სოფლად მცხოვრები ქალები ინკლუზიური და სამართლიანი ადგილობრივი განვითარებისათვის“ შედეგები, ქვემო ქართლის მეწარმე ქალთა მონაწილეობით.
კერძოდ მოეწო პრეზენტაცია - "ტრანსსასაზღვრო პავილიონის" და "მეწარმე ქალთა ქსელის".
აღსანიშნავია, რომ ზემოაღნიშნული პროექტის ფარგლებში, შეიქმნა ქალ მეწარმეთა და ფერმერთა ქსელი და პირველად მათი პროდუქციის Facebook გვერდი.
ასევე, პირველად შეიქმნა კატალოგი- 26 მეწარმე ქალის შესახებ.
ღონისძიებას, მარნეულის მერის მოვალეობის შემსრულებელი ზაურ ტაბატაძე, საკრებულოს თავმჯდომარე ამირან გიორგაძე, ქვემო ქართლის სამხარეო ადმინისტრაციის, ქვემო ქართლში შემავალი მუნიციპალიტეტების, დონორი ორგანიზაციების წარმომადგენლები და სხვა მიწვეული სტუმრები ესწრებოდნენ.
ღონისძიების მიზანია ქვემო ქართლის ტურისტული რესურსის/პროდუქტების
წარმოდგენა, მცირე ბიზნესების მხარდაჭერა და შიდა ტურიზმის განვითარების
სტიმულირება ქ.რუსთავის, გარდაბანის, მარნეულის, თეთრიწყაროს, წალკის, დმანისის
და ბოლნისის მუნიციპალიტეტებში.
პროექტი გაეროს განვითარების პროგრამის (UNDP) რეგიონული და ადგილობრივი განვითარების ხელშეწყობის პროგრამის ფარგლებში, შვეიცარიის განვითარების და თანამშრომლობის სააგენტოსა (SDC) და ავსტრიის განვითარების თანამშრომლობის (ADC) ფინანსური მხარდაჭერით განხორციელდა.
სიახლეები
ქვემო ქართლის ტურისტული პროდუქტების გამოფენა-გაყიდვა
02 აპრ 2021
მნახველთა რაოდენობა: 4989
სიახლეები
აპრ 03 ოთხ 2024
406
აპრ 22 ოთხ 2020
15577
აპრ 22 შბ 2017
28791
იან 09 ორშ 2017
28359
აგვ 30 სამ 2016
30371
აგვ 27 შბ 2016
29662
სექ 02 პარ 2016
28068
აგვ 26 პარ 2016
27571
აგვ 30 სამ 2016
25719