ბროშურა „რეკომენდაციები მშობლების, პედაგოგებისა და დაინტერესებული პირებისთვის” მომზადებულია დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ, თარგმნილია საქართველოს ღია საზოგადოების ფონდის მიერ სომხურ და აზერბაიჯანულ ენებზე პროექტის „კორონავირუსის (COVID-19) შესახებ ინფორმაციის გავრცელება ეთნიკურ უმცირესობებს შორის” ფარგლებში.
რა არის ახალი კორონავირუსი? (COVID-19)
რეკომენდაციები მშობლებისა და აღმზრდელებისთვის
COVID-19 კორონავირუსების ახალი შტამია, რომლის ადამიანთა შორის გავრცელება პირველად 2019 წელს ჩინეთში, ვუჰანის პროვინციაში დაფიქსირდა და დღეის მდგომარეობით ის მსოფლიოს 150-ზე მეტ ქვეყანაშია გამოვლენილი, მათ შორის ინფიცირების რამდენიმე შემთხვევა დაფიქსირდა საქართველოშიც.
როგორ ვრცელდება COVID-19?
• წვეთოვანი გზით - ხველით, ცემინებით;
• თვალზე, პირსა და ცხვირზე დაუბანელი ხელის შეხებით;
• დაავადებულებთან მჭიდრო კონტაქტით - შეხება, ხელის ჩამორთმევა;
• იშვიათ შემთხვევაში ფეკალიებთან კონტაქტით.
რა არის COVID-19-ისთვის დამახასიათებელი სიმტომები?
• მაღალი ტემპერატურა, ხველა და სუნთქვის გაძნელება; თუმცა, შესაძლოა მიმდინარეობდეს უსიმპტომოდაც.
• ზოგიერთ შემთხვევაში შესაძლებელია წარიმართოს უფრო მძიმედ და განვითარდეს პნევმონია ან სუნთქვის გაძნელება.
ავადდებიან თუ არა COVID-19-ით ბავშვები?
• ვინაიდან ვირუსი ახალია, ჯერჯერობით არ არსებობს საკმარისი ინფორმაცია იმის შესახებ, თუ რამდენად სახიფათოა ის ბავშვებისთვის. არსებული მონაცემებით, ვირუსით ავადდება ყველა ასაკის პირი, თუმცა ბავშებში გავრცელება შედარებით დაბალია და ფატალური გამოსავალი ბავშებში ძალიან იშვიათია.
როგორ უნდა იმოქმედოთ, თუ ბავშვს აქვს COVID-19 -ის მსგავსი სიმპტომები?
• როგორც გრიპისა და სხვა რესპირაციული ინფექციების შემთხვევაში, თუ თქვენ, ან თქვენს ბავშვს გამოგივლინდათ სიმპტომები, დროულად მიმართეთ ოჯახის ექიმს, მოერიდეთ საზოგადოებრივი თავშეყრის ადგილებს (სამსახური, სკოლა, ბაღი, საზოგადოებრივი ტრანსპორტი, და სხვა), რათა არ გადასდოთ სხვას. თუმცა, გახსოვდეთ, ამჟამად გრიპის სეზონია და COVID-19 სიმპტომები, როგორიცაა მაღალი ტემპერატურა და ხველა ასევე ახასიათებს გრიპს ან უბრალო გაციებას, რომელიც გაცილებით მეტადაა გავრცელებული.
როგორ შევამციროთ COVID-19-ით თქვენი და გარშემომყოფი ადამიანების დაინფიცირების რისკი?
COVID-19-ისგან თავის დასაცავად საჭიროა დაცული იყოს გრიპისა და სხვა რესპირაციული დაავადებების პრევენციის ზოგადი რეკომენდაციები:
# 1. დაიბანეთ ხელები ხშირად და ასწავლეთ ბავშვებს ხელებისა და რესპირაციული ჰიგიენის დაცვის წესები სააღმზრდელო დაწესებულებებში, სკოლებში, ბაღებსა და სხვა ადგილებში.
# 2. დაიცავით სასუნთქი სისტემის ჰიგიენა
• ხველისა და ცემინებისას აიფარეთ პირსა და ცხვირზე ერთჯერადი ცხვირსახოცი ან მოხრილი იდაყვი , ცხვირსახოცი გამოყენებისთანავე გადააგდეთ დახურულ ურნაში და ხელები დაიბანეთ საპნითა და წყლით არანაკლებ 20 წამის განმავლობაში ან დაიმუშავეთ სპირტის შემცველი ხსნარით.
• ავადმყოფობის დროს გამოიყენეთ სამედიცინო ნიღაბი და მოერიდეთ ხალხმრავალ ადგილებს
# 3. შეინარჩუნეთ უსაფრთხო დისტანცია - შინარჩუნეთ არანაკლებ 1 მეტრი მანძილი თქვენსა და გარშემომყოფებს შორის, განსაკუთრებით რესპირაციული სიმპტომების (ხველა, ცემინება, ცხელება) მქონე ადამიანებთან.
# 4. არ შეეხოთ დაბინძურებული ხელებით თვალებს, ცხვირსა და პირს - ხელებით თქვენ ეხებით ისეთ ზედაპირებს, რომლებიც შესაძლებელია ვირუსით იყოს დაბინძურებული.
# 5. მიიღეთ მხოლოდ თერმულად კარგად დამუშავებული და მოხარშული ხორცის და რძის პროდუქტები
# 6. ხშირად გაანიავეთ და დაალაგეთ სველი წესით საცხოვრებელი და სამუშაო გარემო, დეზინფექცია ჩაუტარეთ ნივთებს და მათ ზედაპირებს.
# 7. თუ თქვენ ან თქვენი ოჯახის წევრს აღგენიშნებათ რესპირაციული სიმპტომები (სიცხე, ხველა და სუნთქვის გაძნელება), დროულად მიმართეთ ექიმს. დაუყონებლივ აცნობეთ სამედიცინო დაწესებულებას ან დაუკავშირდით 112-ს.
დამატებითი ინფორმაციისთვის,გთხოვთ იხილოთ
StopCoV.ge;
moh.gov.ge;
ncdc.ge;
facebook.com/ncdcgeorgia.
ან დაგვიკავშირდით ცხელი ხაზის ნომრებზე: 1505; 116001
დაიცავით თქვენი და თქვენი შვილების ჯანმრთელობა!
დაავადებათა კონტროლისა დასაზოგადოებრივი ჯანმრთელობის ეროვნული ცენტრი გისურვებთ ჯანმრთელობას!
Yeni koronavirus nədir? (COVID-19)
Ի՞նչ է նոր կորոնավիրուսը (COVID-19)
სიახლეები
ბროშურა „რეკომენდაციები მშობლების, პედაგოგებისა და დაინტერესებული პირებისთვის”
20 მარ 2020
მნახველთა რაოდენობა: 4350
სიახლეები
აპრ 03 ოთხ 2024
423
აპრ 22 ოთხ 2020
15592
აპრ 22 შბ 2017
28815
იან 09 ორშ 2017
28373
აგვ 30 სამ 2016
30379
აგვ 27 შბ 2016
29668
სექ 02 პარ 2016
28085
აგვ 26 პარ 2016
27587
აგვ 30 სამ 2016
25725