ქვემო ქართლის სახელმწიფო რწმუნებულის მოადგილემ გიორგი შინჯიკაშვილმა, მარნეულის მერის მოვალეობის შემსრულებელთან ზაურ ტაბატაძესთან და მარნეულის საკრებულოს თავმჯდომარე ამირან გიორგაძესთან ერთად, მარნეულის მერიაში, მერიის სამსახურების უფროსებთან გაცნობითი ხასიათის შეხვედრა გამართა.
მარნეულის მუნიციპალიტეტში 2020 წელს, სპორტული ინფრასტრუქტურის განვითარების კუთხით, მნიშვნელოვანი პროექტები განხორციელდა. სპორტის სფეროს განვითარების ხელშეწყობისა და ჯანსაღი ცხოვრების წესის დამკვიდრების მიზნით, მუნიციპალიტეტის მიერ, ადგილობრივი ბიუჯეტის დაფინანსებით, მარნეულის მასშტაბით, 8 მინი კომბინირებული მოედანი მოეწყო.