დღეიდან, მარნეულის მუნიციპალიტეტის ადმინისტრაციულ ერთეულებში „სოფლის მხარდაჭერის პროგრამის“ ფარგლებში, სოფლის კრებების/კონსულტაციების გამართვა დაიწყო.

აღნიშნული პროგრამის ფარგლებში, მოსახლეობა დასახლებების მიხედვით განსაზღვრავს, თუ რა ტიპის პროექტის განხორციელებას დაუჭერენ მხარს, საკუთარ სოფელში.

აღსანიშნავია, რომ ამ ეტაპისთვის კრებები/კონსულტაციები მუნიციპალიტეტის სამ ადმინისტრაციულ ერთეულში- ალგეთში, დამია-გეურარხისა და კაჩაგანში შემავალ სოფლებში გაიმართა.

აღსანიშნავია, რომ მარნეულის მუნიციპალიტეტისთვის საერთო თანხიდან გამოყოფილია 1 232 000 000 ლარი, რომლითაც მუნიციპალიტეტებში სხვადასხვა ინფრასტრუქტურული პროექტები დაფინანსდება.

შეგახსენებთ, რომ მთავრობის გადაწყვეტილებით, ქვეყანაში სოფლის მხარდაჭერის პროგრამა აღდგა, რომელიც რეგიონებში განსახორციელებელი პროექტების ფონდის (რეგფონდის) ქვეკომპონენტია, რომლის ფარგლებშიც, სოფლად მცხოვრები მოსახლეობის საკეთილდღეოდ არაერთი მნიშვნელოვანი პროექტი განხორციელდება.

სოფლის საერთო კრებები მუნიციპალიტეტის მასშტაბით მომავალ დღეებშიც ჩატარდება.