მარნეულის მუნიციპალიტეტი
ოფიციალური ვებგვერდი
ცხელი ხაზი
სიახლეები

 

სოფელ ილმაზლოში გაზგამანაწილებელი ქსელის მშენებლობა დაიწყო
22 ოქტ 2020
 

მარნეულის მუნიციპალიტეტის მერის მოვალეობის შემსრულებელმა, ზაურ ტაბატაძემ, საკერბულოს თავმჯდომარე, ამირან გიორგაძემ და ქვემო ქართლში სახელმწიფო რწმუნებულმა, შოთა რეხვიაშვილმა, აზერბაიჯანის სახელმწიფო ნავთობკომპანია სოკარი-ს პრეზიდენტ როვნაგ აბდულაევთან და საქართველოში აზერბაიჯანის რესპუბლიკის ახლადდანიშნულ, საგანგებო და სრულუფლებიან ელჩთან, ფაიგ გულიევთან ერთად, მარნეულის მუნიციპალიტეტის სოფელ ილმაზლოში, გაზგამანაწილებელი ქსელის მშენებლობის დაწყების გახსნის ცერემონიალში მიიღეს მონაწილეობა.

ცერემონიას ასევე ესწრებოდნენ საქართველოს პარლამენტის მარნეულისა და გარდაბნის ოლქების მაჟორიტარი დეპუტატები და სხვა მოწვეული სტუმრები.

მოგახსენებთ, რომ გაზგამანაწილებელი ქსელი, რომლის სიგრძე 13 145 მეტრია, ახლომდებარე დასახლებულ პუნქტებს მოიცავს. პროექტის დასრულების შემდეგ გაზიფიცერებული მოსახლეობის რაოდენობა 250-ით გაიზრდება.

აღსანიშნავია, რომ ქართული და აზერბაიჯანული მხარის წარმომადგენლებმა სოფელ ყიზილაჯლოში სპორტული კომპლექსის მშენებლობაც გახსნეს და სიმბოლურად კაფსულა ჩააგდეს. მულტიფუნქციურ სპორტულ კომპლექსს კომპანია სოკარი ააშენებს და სახელმწიფოს უსასყიდლოდ გადასცემს.
შენობის ჯამური ფართი 1 157 კვადრატული მეტრია. პროექტი ექსპლუატაციაში 8 თვის შემდეგ შევა, რომლის ღირებულება 2,400,000 ლარს შეადგენს.

 
 
მნახველთა რაოდენობა: 934
 
 
 
სიახლეები
იან 26 სამ 2021
634
 
 
სიახლეები
2021 აპრილი
ორშსამოთხხუთპარშბკვ
1234
567891011
12131415161718
19202122232425
2627282930