მარნეულის მუნიციპალიტეტის მერიისა და  მუნიციპალური ა(ა) ი პ ბაგა-ბაღების გაერთიანების გადაწყვეტილებით, პროდუქტი, რომელიც საბავშვო ბაღებში ბავშვთა კვებისთვის იყო გათვალისწინებული, აღსაზრდელების ოჯახებს გადაეცემათ.

ამის შესახებ  მარნეულის მერმა, ზაურ დარგალმა,  მერიაში გამართულ ბრიფინგზე განაცხადა. მისი თქმით, პროდუქტები   პაკეტებათ დახარისხდება  და აღსაზრდელების მშობლებს  ბინაზე გადაეცემათ.

მომავალი კვირიდან მუნიციპალური ა(ა)იპ ბაგა-ბაღების გაერთიანება, მუნიციპალიტეტის მასშტაბით ჯამში 2016  აღსაზრდელისთვის, (მიუხედავად სოციალური სტატუსისა) განკუთვნილი 60 დღის  საკვები პროდუქტების პაკეტებს გასცემს. 

აღნიშნული პროექტის განხორციელებისთვის,  თვითმმართველობამ, დაახლოებით 130 000 ლარი გამოყო.