მარნეულის მუნიციპალიტეტის მერიაში, პროექტის „სამოქალაქო საზოგადოების გაძლიერება“ ფარგლებში სამუშაო შეხვედრა გაიმართა.

შეხვედრას მარნეულის მუნიციპალიტეტის მერი კენან ომაროვი, საკრებულოს თავმჯდომარე ამირან გიორგაძე და პროექტის ქვემო ქართლის პარტნიორი ორგანიზაციის ხელმძღვანელი ზაურ ხალილოვი  ესწრებოდნენ.

პროექტი მიზნად ისახავს ეთნიკური უმცირესობების, სამოქალაქო საზოგადოებისა და მედია საშუალებების წარმომადგენელთა გაძლიერებას, მათი როლის გაზრდას ბიუჯეტირებისა და პოლიტიკის შემუშავების პროცესებში, რაც უზრუნველყოფს საჭიროებებზე მორგებული მმართველობის სტილის დამკვიდრებას.

აღნიშნული პროექტი საერთაშორისო ორგანიზაცია HEKS EPER Georgia-ს მიერ, ევროკავშირის ფინანსური მხარდაჭერით ხორციელდება.