მარნეულის მუნიციპალიტეტის სოფელ წერეთელში, საჯარო სკოლის ბაზაზე, ძიუდოს ახალი დარბაზი  გაიხსნა.

სპორტული სივრცის ოფიციალურ გახსნას, ცენტრალური და ადგილობრივი ხელისუფლების წარმომადგენლები, საქართველოს ძიუდოს ეროვნული ფედერაციის ხელმძღვანელობა, საქართველოს განათლების, მეცნიერების, კულტურისა და სპორტის სამინისტროს წარმომადგენლები და  სხვა მოწვეული სტუმრები ესწრებოდნენ.

აღსანიშნავია, რომ ძიუდოს დარბაზს საჩუქრად, განათლების, მეცნიერების, კულტურისა და სპორტის სამინისტრომ, საერთაშორისო სტანდარტების ახალი ტატამი გადასცა.

ღონისძიების ფარგლებში ჩატარდა მარნეულის ღია ჩემპიონატი ძიუდოში.

ძიუდოთი დაინტერესებულ მოზარდებს საშუალება აქვთ უფასოდ ივარჯიშონ დარბაზში.