მარნეულის მუნიციპალიტეტის მერმა თემურ აბაზოვმა მოადგილეებთან, საკრებულოს თავმჯდომარესთან ამირან გიორგაძესთან და მერიის შესაბამისი სამსახურის წარმომადგენლებთან ერთად, ყულარის ადმინისტრაციული ერთეულის სოფელ მარადისში გზის დასრულებული ინფრასტრუქტურული პროექტი მოინახულა. ინფრასტრუქტურული პროექტის მონახულების შემდგომ  თემურ აბაზოვი  ადგილობრივ მოსახლეობას შეხვდა, გააცნო მიმდინარე წელს სოფელ მარადისში დაგეგმილი პროექტები, მოისმინა მათი საჭიროებები და კომპტენციის ფარგლებში მოგვარებას დაპირდა.
სოფელ მარადისში საგზაო ინფრასტრუქტურის მოწესრიგების მიზნით გზის მასშტაბური სამუშაოები ჩატარდა, რომელიც მოსახლეობის მაღალი ინტერესიდან გამომდინარეობდა. მოასფალტდა 1 210 მეტრი სიგრძის გზა. პროექტი ადგილობრივი ბიუჯეტის დაფინანსებით განხორციელდა, რომლის ღირებულებაც 168 061 ლარია.