Marneulidə Meriyanın təhsil, mədəniyyət, idman və gənclər üzrə iş şöbəsinin təşkilatçılığı ilə, Beynəlxalq Tolerantlıq Gününə həsr olunmuş tədbir keçirildi.
Planlaşdırılmış tədbirdə Marneuli Munisipalitetinin Meri Temur Abazov həyat yoldaşı və övladları ilə birlikdə iştirak etdi.
Tolerantlıq həftəliyi çərçivəsində keçirilən tədbirə Marneuli Sakrebulosunun üzvü Amiran Qiorqadze və Parlamentin Deputatı Ruslan Hacıyev ailəsi ilə birlikdə qatılmışdı. Kvemo Kartli Qubernatorunun müavini Zaur Darğallı və Özünüidarəetmənin əməkdaşları da tədbirdə yer alırdılar.
Görüş iştirakçıları Mədəniyyət Mərkəzinin həyətində, tolerantlıq prinsiplərinə hörmət əlaməti olaraq rəngli uçurtmalar da uçurdular. Uçurmalara tolerantlığa aid sözlər yerləşdirilmişdi.
Elə bu gün, Marneulinin ictimai kitabxanasının konfrans salonunda insan hüquqlarının tətbiqi və sülhə nail olmaq üçün tolerant olmağın əhəmiyyətindən bəhs edən treninq keçirildi.
Tədbirin sonunda, təqdimat iştirakçıları mövzu ilə əlaqədar posterdə yaratdılar.
Qeyd etmək lazımdır ki, Kvemo Kartlidə Dövlər Müvəkkili-Qubernator Administrasiyasının təşəbbüsü və dəstəyi ilə bölgədə Beynəlxalq Tolerantlıq Həftəliyi çərçivəsində hər bir Munisipalitetdə tədbirlər təşkil olunur.