Marneulinin yeni seçilmiş Meri ilk iş gününə fəal start verdi. Temur Abazov səhər saatlarından Munisipalitetin fəaliyyətinə qoşuldu, daxili qayda ilə, Meriya və xidmət nizamnamələri və strukturası ilə tanış oldu. Cari ilin noyabrından İcra Hakimiyyəti Meriyaya çevrildiyindən bu istiqamətdə yaxın gələcəkdə müvafiq pozitiv dəyişikliklər aparılacaq. Günün ikinci yarısında Marneuli Meri infrastruktur layihələrə baş çəkdi, əhali ilə görüşdü. Temur Abazov Sakrebulonun üzvü Amiran Qiorqadze ilə, Meriyanın xidmət rəhbərləri ilə birlikdə və əməkdaşları ilə birlikdə Qaçağan Ərazi Vahidliyində qonaq oldu. Orada əhali ilə görüşərək davam edən infrastruktur layihələri gözdən keçirdi. “Bildiyiniz kimi Marneuli Meriyasında bu gün mənim ilk iş günümdür. Davam edən layihələr ilə, Meriyanın daxili qaydaları ilə və əməkdaşları ilə yaxından tanış oluram. Hazırda isə Qaçağan Ərazi Vahidliyindəyəm, burada davam edən infrastruktur layihələr ilə tanış oldum və sakinlər ilə görüşdüm. Qeyd etmək istəyirəmki, seçkiqabağı verdiyim sözlərə əməl edəcəm, mərhələ ilə bütün problemlər aradan qalxacaq. Marneuli sakinlərinin inamlarını doğrultmaq üçün öz dəstəmlə birlikdə əlimdən gələni edəcəm!”