2019 წლის 12-14 აპრილს, საქართველოს ოლიმპიური რეზერვების მომზადების ცენტრის სტადიონზე, გაიმართა ქალაქ თბილისის ღია ჩემპიონატი მშვილდოსნობაში.

აღნიშნულ შეჯიბრებაზე სხვადასხვა ასაკობრივ კატეგორიაში მარნეულელმა სპორტსმენებმა მიიღეს მონაწილეობა და დაიკავეს საპრიზო ადგილები.

სალომე ხარშილაძემ, სამოც მეტრიან დისტანციაზე, კადეტებში დაიკავა მესამე ადგილი, ხოლო სალომე გელაშვილი, ახალბედებში, ოცდაათ მეტრიან დისტანციაზე ასევე, მესამე ადგილის მფლობელი გახდა.

შეგახსენებთ, რომ მარნეულში, მეოთხე წელია სპორტსკოლის ბაზაზე არსებობს მშვილდოსნობის ჯგუფი, რომლის მწვრთნელიც გიორგი გორდეზიანი გახლავთ.